මාස 3ක බිළිඳියකටත් කොවිඩ්

0
278

මතුගම වලල්ලාවිට ප්‍රදේශයේ වයස මාස 3ක බිළිඳියකට කොවිඩ් -19 වෛරසය ආසාදනය වී ඇති බව සෞඛ්‍ය අංශ පවසති.

වලල්ලාවිට පරිපාලන මහජන සෞඛ්‍ය පරීක්ෂක තිලකරත්න අතුකෝරාළ මහතා සඳහන් කළේ මේ වනවිට හුදකලාකර ඇති වලල්ලාවිට මාකලන්දාව ප්‍රදේශයේ බිළිඳියක් කොරෝනා ආසාදිතයෙකු ලෙස හඳුනාගත් බවය.

එම බිළිඳියගේ මවට ද කොවිඩ් -19 වෛරසය ආසාදනය වී ඇති බවට හඳුනාගෙන තිබේ.

ඒ අනුව මෙම බිළිඳිය සහ මව ප්‍රතිකාර සඳහා කොළඹ IDH රෝහලට ඇතුළත් කර ඇති බව සෞඛ්‍ය අංශ සඳහන් කරති.