ශ‍්‍රී ලංකා පිළට දකුණු අපි‍්‍රකාවේදී දරුණු පරාජයක්

0
455

දකුණු අපි‍්‍රකාව හමුවේ දරුණු ටෙස්ට් කි‍්‍රකට් පරාජයකට මුහුණ දීමට ශ‍්‍රී ලංකා කණ්ඩායම අද සිදුවුණා. ඒ, සෙන්චූරියන්හි පැවැති දෙරට අතර පළමු ටෙස්ට් කි‍්‍රකට් තරගයේදීයි. 

තරගයේ ප‍්‍රථමයෙන් පන්දුවට පහරදුන් ශ‍්‍රී ලංකාව පළමු ඉනිමට ලකුණු 396 ක් රැස්කළ අතර දකුණු අපි‍්‍රකාව සිය පළමු ඉනිමට ලකුණු 621 ක් රැස්කළා. සිය දෙවෙනි ඉනිම වෙනුවෙන් පන්දුවට පහරදුන් ශ‍්‍රී ලංකාවට සියලූදෙනා දැවී රැස්කර ගත හැකිවූයේ ලකුණු 180 ක් පමණයි.

එහිදී කුසල් ජනිත් පෙරේරා, ලකුණු 64 ක් රැස්කළ අතර සිය මංගල ටෙස්ට් තරගයට කී‍්‍රඩා කළ වනිඳු හසරංග සිය මංගල ටෙස්ට් අර්ධ ශතකය වාර්තා කරමින් වේගවත් ලකුණු 59 ක් රැස්කළා. ඒ අනුව දකුණු අපි‍්‍රකාව තරගය ජයගත්තේ ඉනිමකින් සහ ලකුණු 45 කින්. 

මෙම තරගයේදී ශ‍්‍රී ලංකා කණ්ඩායමේ කී‍්‍රඩකයින් 11 දෙනාගෙන් 05 දෙනෙකුම ආබාධවලට ලක්වීම කැපී පෙනෙන සිද්ධියක් වුණා. 

පළමු ඉනිමේදී ලකුණු 199ක් ලබා ගත් ෆෆ් ඩු ප්ලෙසිස් තරගයේ වීරයා ලෙස සම්මානයෙන් පිදුම් ලැබුවා.

දෙරට අතර පැවැත්වෙන දෙවන හා අවසන් ටෙස්ට් ක්‍රිකට් තරගය ලබන 3 වනදා ජොහැනස්බර්ග් හී දී ආරම්භ වීමට නියමිතයි.