අමෙරිකාවේ වෙඩි ප්‍රහාරයක් – 9 කට තුවාල

0
66

අමෙරිකාවේ රෝඩ් අයිලන්ඩ් හි සිදුවූ වෙඩි ප්‍රහාරයකින් පුද්ගලයින් 9 දෙනෙකු තුවාල ලබා තිබේ.

නිවසක් ඉලක්ක කර ගනිමින් වෙඩි ප්‍රහාරය එල්ල වී ඇති අතර පුද්ගලයින් කණ්ඩායමක් විසින් වෙඩි තැබීම් සිදුකර ඇති බව විදෙස් මාධ්‍ය වාර්තා කළේය.

වෙඩි වැදීම හේතුවෙන් තුවාල ලැබූවන්ගෙන් තිදෙනෙකුගේ තත්ත්වය බරපතළ වන බව සඳහන් වේ.

වෙඩි තැබීමට හේතුව මෙතෙක් අනාවරණය වී නොමැති බව රෝඩ් අයිලන්ඩ් පොලීසිය පැවසීය.

කෙසේවෙතත් වෙඩි තැබීම සිදුකළ පුද්ගලයින් හඳුනාගෙන ඇති අතර ඔවුන් සොයා නගර ආරක්ෂක අංශ විසින් මෙහෙයුම් ආරම්භ කර තිබේ.