ත්‍රස්තවාදයට සම්බන්ධ වූවන්ගෙන් සීයයට 95ක් කැමැත්තෙන් එම සංවිධානයට සම්බන්ධ වූවන් නොවූ පුද්ගලයින් බැවින් යුද්ධයේදී මියගිය සිය දරුවන් සැමරීමට එම දෙමවුපියන්ටත් ඉඩක් ලබාදිය යුතු බව 57 වන සේනාංකයේ හිටපු අණදෙන නිලධාරි ( විශ්‍රාමික) මේජර් ජනරාල් ජගත් ඩයස් පවසනවා.
පෞද්ගලික රූපවාහිනි වැඩසටහනක පැවති සංවාදයකදී ඔහු පැවසුවේ ඇතැම් දේශපාලන පක්ෂ විසින් මෙම සිහිකිරිමේ උත්සව තම පටු අරමුණු ඉටු කර ගැනීමට යොදා ගන්නා බැවින් ඒ සඳහා නිසි යාන්ත්‍රනයක් සකස් කිරීම වැදගත් බවයි.
”ඔවුන් සටන් කළේ හමුදාවත් සමග. අපිට යුද්ධයේදී බංකර් වලින් හම්බ උනා ඔවුන් ඇවිත් තිබුනේ කැමැත්තෙන් නෙවෙයි කියන්න පුළුවන් සාධක. මේ ළමයි රටේ ළමයින්. ඒ දෙමව්පියන්ට සැමරීමක් තිබිය යුතුයි. ත්‍රස්තවාදියෝ වුණේ ළමයි හම්බවුනාට පස්සේ” (විශ්‍රාමික) මේජර් ජනරාල් ජගත් ඩයස් මාද්‍යවේදියාට පිළිතුරු දෙමින් පවසීය.
