බොලිවුඩය අතික්‍රමණය කළ සුරූපිනිය – රකූල් ප්‍රීත් සිං

0
136

පුළුල් නිතඹ, ළගන්නා සුළු සිනහාව, ඡවි කළ්‍යාණය ආදී එකී මෙකී නොකී රූප සොබාවෙන් අනූන විසේකාර තරුණියන්ට බොලිවුඩයේ දොරටු විවර වන්නේ නිතැතිනි.

මුලදී කට්ටක් කෑවාට, වසරින් වසර රගපාන චිත්‍රපටවල අලෙවි වීම මත මේ සුරූපිණියන්ගේ දෛවය ලියැවෙන්නේ ඔවුන් සිතූ සුරගනා ලෝක මෙන්ම හැබෑ ජීවිත අතරද දෝලනය කරමිනි.

මේ කියැවෙන්නේ එලෙස බොලිවුඩය ආක්‍රමණය කළ නව පරපුරේ ඉන්දිය නිළියක් ලෙස වඩාත් ජනප්‍රිය රකූල් ප්‍රීත් සිං ගැනය.

ඇය බොලිවුඩ් සිනමාවට පිවිසියේ 2014 වසරේ තිරගත වූ යාරියාන් Yaariyan චිත්‍රපටයෙනි. ඇයව අවසන් වරට හින්දි සිනමා රසිකයින්ට දැක ගත හැකි වූයේ මාර්ජවාන් සහ දේ දේ ප්යාර් දේ යන හින්දි චිත්‍රපට වලනි.

දැනට තිස් එක් හැවිරිදි වියේ පසුවන ඉන්දියානු නිළියක් සහ නිරූපිකාවක් වන ඇය ප්‍රධාන වශයෙන් තෙළිඟු, දෙමළ සහ හින්දි චිත්‍රපටවල රංගනයෙන් එක්වන නව පරපුරේ නිළියකි.

ඇය ෆිල්ම් ෆෙයාර් සම්මාන තුනක් සඳහා නාම යෝජනා ලබා ඇති අතර සිමා සම්මානයෙන් පිදුම් ලැබා ඇත.

ඇය නිරූපිකාවක් ලෙස සිය වෘත්තිය ආරම්භ කළේ පාසල් අද්‍යපනය ලබන අවදියේ සිටියදී ය. ඇය සිය රංගන දිවියට පිවිසියේ දකුණු ඉන්දියාවේ කන්නඩ චිත්‍රපටය වන ගිලි (2009) චිත්‍රපටයෙනි.

2011 දී ඇය ෆෙමිනා මිස් ඉන්දියා තරඟාවලියට සහභාගී වූ අතර, ඇය පස්වන ස්ථානයට පත්වූ අතර පීපල්ස් චොයිස් මිස් ඉන්ඩියා ටයිම්ස්, පැන්ටලූන්ස් ෆෙමිනා මිස්, ෆෙමිනා මිස් ටැලෙන්ටඩ්, ෆෙමිනා මිස් බියුටි ස්මයිල් ආදී ජයග්‍රහණ ලබා ගත්තේය.

පසුව ඇය පූර්ණ කාලීන නිළියක් වීමට තීරණය කළ අතර, එම වසරේම කේරතම් හි තෙළිඟු රංගනයට පිවිසි අතර, ඊළඟ වසරේදී තදීයාරා තක්කා චිත්‍රපටයෙන් ඇයගේ දෙමළ රංගනයට පිවිසියේය.

2014 දී ඇය යාරියන් හි හින්දි රංගනයට පිවිසි අතර ඇයගේ රංගනයට වඩා හොඳ ප්‍රතිචාරයක් ලැබුණි.

රකුල් ප්‍රීත් සිං ඇගේ පියා හමුදා නිලධාරියෙකි. ඇගේ මව රාජේන්දර් කෞර් සහ පියා කුල්වින්දර් සිං ය.

ඇගේ බාල සොහොයුරා වන අමන් ප්‍රීත් සිං බොලිවුඩ් සිනමාවට පිවිසීමට සූදානම් වන්නේ රාම් රාජ්‍යා චිත්‍රපටයෙනි.
ගණිතය පිළිබද විද්‍යාවේදී උපාධියක් හිමි රුකුල් කියා සිටින්නේ තමා සැමවිටම නිළියක් වීමට සිහින මැවූ බවයි. ඉන්දියාවේ නිරූපණ වෘත්තිය ඇය ආරම්භ කළේ වයස අවුරුදු 18 දී ය.

2009 දී ඇය සිය රංගන දිවියට මුල්ම අඩිතාලම දැමූ පිවිසියේ ගිලී නම් කන්නඩ චිත්‍රපටයට එක්වීම ගැන ඇය කියා සිටියේ “ටිකක් වැඩිපුර සාක්කුවේ මුදල් උපයා ගැනීමේ අරමුණින්” ඇය චිත්‍රපටයට අත්සන් තැබූ බවත් “දකුණු ඉන්දියානු චිත්‍රපට කොතරම් විශාලද” යන්න තමා නොදන්නා බවත්ය.

මහජන පිළිගැනීම සහ සාර්ථකත්වය ඇය මුලින්ම ලබා ගත්තේ දකුණු ඉන්දිය සිනමාවෙන් වුවද ඇය කියන්නේ තමා තව බොහෝ දුර යා යුතු බවයි.

ඒ කියන්නේ බොලිවුඩයට. බොලිවුඩය තුළද ඇය තම වාසනාව උරගා බැලීමට සූදානම් වෙයි. ඒ අනුව දැන් ප්‍රීත් හින්දි සිනමාව ගැන උනන්දු වෙනවා.

මේ සියලු කාරණා ගැන ඇය සමග කළ විශේෂ සම්මුඛ සාකච්ඡාවකදී ඇය කියා සිටියේ
ගැහැණු ළමයින් හොඳින් කටයුතු කරනවා. ටාප්සි පන්නු (Taapsee Pannu), භූමි පද්නෙකර් (Bhumi Pednekar) යන නවක නිළියන් සියලු දෙනා හොදයින් කටයුතු කරනවා.

ඔබ ටාබු මැම් සහ කරීනා මැම් දුටුවහොත්… ඔවුන් කරන්නේ එවැනි පුදුමාකාර වැඩක්. ඔබ තරුණ නියළියන් දෙස බැලුවහොත්, කියාරා අද්වානි, ක්‍රිති සනොන්, ආලියා භට් යන අය හොඳින් කටයුතු කරනවා. සෑම චිත්‍රපටයකම නිළියකට යමක් තිබෙනවා. ඔවුන් තවදුරටත් ගීත සහ නර්තනය සඳහා පමණක් භාවිත වන බෝනික්කෙන් නෙමෙයි.

සිනමාව වෙනස් වෙමින් පවතිනවා. දැන් සාමාන්‍ය චිත්‍රපටයක් මුදල් උපයන්නේ නැහැ. මම හිතන්නේ එය සිදු වූයේ ඩිජිටල් නිසායි. ඩිජිටල් වේදිකාවල බොහෝ අන්තර්ගතයන් තිබෙනවා. ඔබ ප්‍රේක්ෂකයන්ට අලුත් දෙයක් ලබා නොදුනහොත් ඔවුන් එය නැරඹීමට යන්නේ නැහැ. නව සංකල්ප චිත්‍රපට එළිදක්වන නිසා එය ඉතා හොඳයි.

සමාජයේ වෙනසක් සඳහා ඔබ වැනි නිළියන්ට වගකීමක් තිබෙනවා යන් සම්බන්ධයෙන් අදහස් දක්වමින් ඇය කියා සිටියේ ”මම පවසන දෙයින් මිනිසුන්ට බලපෑම් ඇති වෙනවා. සමාජ මාධ්‍යවල මා පසුපස මිලියන සංඛ්‍යාත ජනතාවක් සිටිනවා.

මා වගකීම් විරහිත යමක් පැවසුවහොත්, ඇත්ත වශයෙන්ම මා ඔවුන්ට වැරදි ආකාරයකින් බලපෑම් කළා වෙනවා. මම ප්‍රසිද්ධ චරිතයක් වන විට, මිනිසුන් මා දෙස බලා සිටින බව මා දන්නවා. අප කැමති වුවත් නැතත්, අප පවසන දෙයට අප වගකිව යුතු යැයිද ඇය පවසන්නීය.