ඉන්දීය සංගීත ප්‍රසංගයක් සඳහා ගොස් සිටින ලොව පුරා රටවල් රැසක ජනාදරයට පත්වූ යොහානි ද සිල්වා මෙනවිය සුළු අනතුරකට ලක් ව තිබේ.
ප්‍රසංගයක් අතරතුර දී හදිසියේ ගිටාරය මුහුණේ වැදීමෙන් ඇගේ ඇස තැලීමකට ලක්ව ඇත.
එය බරපතළ නොවන බවත් ඉදිරි ප්‍රසංග සඳහා සහභාගී වීමට බලාපොරොත්තු වන බවත් ඇය සමාජ මාධ්‍ය ඔස්සේ සටහනක් තබමින් යොහානි සඳහන් කර තිබේ.
“මැණිකේ මගේ හිතේ ” ගීතයෙන් මෙරට මෙන්ම ජාත්‍යන්තරය දිනාගත් නව පරපුරේ ගායිකා යොහානි ද සිල්වාගේ පළමු ජාත්‍යන්තර ගෘහස්ත ප්‍රසංගය ඊයේ පසුගිය 30 වන දා ඉන්දියාවේ නවදිල්ලියේදී පැවැත්වුණි.
ශ්‍රී ලාංකික ගායිකාවක් ඉන්දීය ප්‍රේක්ෂකයන් ඉදිරියේ සජීවී සංගීත සංදර්ශනයක් පවත්වන ප්‍රථම අවස්ථාව මෙය ලෙස ද වාර්තා වේ.
එළඹෙන 03 වනදා ඇය ගුරුග්‍රම් සහ හයිද්‍රාබාද් යන නගරවලද ප්‍රසංග කිහිපයක් පැවැත්වීමට නියමිතයි.
යොහානි ප්‍රති නිර්මාණය කළ ‘මැණිකේ මගේ හිතේ” ගිතය යූ ටියුබ් නැරඹුම් වාර මිලියන 100 ඉක්මවා ගොස් ඇති අතර, ගීතයක් “Youtube“ නැරඹුම් වාර ගණන මිලියන 100 ඉක්මවූ පළමු අවස්ථාව මෙය බව ද වාර්තාවේ.
යොහානි ෆේස්බුක් ඔස්සේ තබා තිබු සටහන පහතින්,
